|
|
| |||||||
| الميدان الحرّ للحوار الحرّ فيما لا يدخل تحت نطاق الساحات الأخرى |
 |
| | LinkBack | أدوات الحوار |
| #1  27th August 2008, 12:15 AM | ||||
| ||||
| معاملة المصري في الخارج ( السعودية) في الكام يوم اللي فاتو كنت مع أهلي في رحلة عمرة في السعودية وعايزة أقول إن يوم عن يوم بقت معاملة العالم دول للمصريين من سيئ لأسوأ تبدأ المقارفة كالآتي: - في المطار مع ضابط الجوازات حته عيل ميعديش 22 سنه بلبانه بهدلنا أكتر من ساعة لحد ما نقف زي ما هو عايز وكل ما حد يسأله في حاجة يطلع بره المكتب ويقول مش شغال - بهدله الرجالة بطريقة غريبة بصمات أصابع - قال يعني عنده أصل الفيش والتشبيه بتاعهم- وكل واحد بيسأله إسمك إيه شفتو إستخفاف أكتر من كده - طلعنا من المطار وركبا الباصات وتوجهنا للمدينة المنورة وبما أن في هذا الحرم في جزء للنساء وجزء للرجال فبالفم المليان أقول بمجرد ما يبان من لهجة الست أو الفتاة إنها مصرية فيتم تفتيشها شبه ذاتياً كأنها مثلاً داخله بقنبله - عند زيارة قبر الرسول للعام التاني على التوالي يكون هناك تقسيم مصر ودول الخليج ودول الشام وإيران و و و و على أن يكون المسموح لنساء دول الخليج الوصول حتى قبل الرسول والصلاة في الروضة كيفما شئن أما المصريات فلا ركعتين ولو طولتي والله والله بيشدوكي من قفاكي تقومي وفي حاجز محطوط بحيث إن مكان الزيارة ينتهى حتى قبل أنا يبدأ جزء دفن الخليفة أبو بكر الصديق وكأن مثلاً النبي نبيهم و إحنا لأ - في المطار عند العودة إترمينا من 6:30 مساء في صالة الحجاج والجو في جدة رطوبة جداً والطيارة إتأخرت عن معادها 4 ساعات ولم يسمح لنا بالجلوس في صالة مكيفة رغم إن كان في صالتين فاضيين وتسأل حد عن حاجة يبصلك بقرف ويمشي وممكن أصلاً ولا يعبرك حتى بالبصة أم قرف دي اللي عايزة أقوله بقى لحد دلوقت ليه إحنا سايبين نفسنا نعامل ارعاة دول لما يجو بلدنا أحسن معاملة ونبديهم على أهل بلدنا في كل حاجاة في حين إن حتى وإحنا رايحين في رحلات دينية سواء حج أو عمرة نعامل على إنناى مواطنيني من تصنيف ردئ أو حتى على إننا كائنات مقرفة __________________ Will it ever cloy this odd diversity of misery and joy  |
| #2 28th August 2008, 02:15 AM | ||||
| ||||
| فى عصر الملك فؤاد والد فاروق كانت مصر تدعى مملكة مصر والحجاز اى كانت الحجاز جزأ من مصر وكان المحمل اى كسوة الكعبة تصنع فى مصر وتحملها جمال ويسير الموكب من مصر للأرض االحجاز وكان الحج او العمرة مجرد تكاليف السفر أو ممكن ركوب جمل قبل ظهور السيارة أو باخرة بتكلفة بسيطة والمصرى يأخذ أكله معاه وحتى البطيخ وكان فقط تكاليف التنقل هناك وكانت السعودية قبل ذلك الوقت كل مدينه يحكمها حاكم وبعد ظهور محمد ابن عبد الوهاب اتفق مع حاكم الدرعية بأن له الملك وبأن المشيخة لمحمد ابن عبد الوهاب الذى قام بمهاجمة حكام كل مدينه فمثلا كان حاكم الرياض من آل رشيد فكان الشيخ محمد بن عبد الوهاب يعمل زى ما عمل الرسول فيكتب رساله غريبة لحاكم كل مدينه يدعوه فيها للتوحيد اى يقول له وحد الربوبية والحاكم يستغرب لأنه بيوحد الألوهية وكان لا يرد عليه فيكفره ويهاجمه الشيخ ومعه مجموعة من الأعراب يقتلونه ويأسرون نسائه سبايا ويأخذون أمواله غنائم وهكذا فى باقى المدن وملاحظة بأن العرب أصلهم من هاجر التى كانت تتكلم العربية وتزوجها إبراهيم ومن نسلها اسماعيل وهى وإبنها بعد أن هاجرا الى صحراء مكة أقاما هناك ومن نسله قريش العرب ويسكنون المدن اما حولها يسكن الأعراب وهم أشد كفرا ونفاقا وكانت أرض الحجاز تابعه لمصر أيام الملك فؤاد وكانت مصر تدعى مملكة مصر والحجاز وكان أميرها الأمير عبد الله وهو الذى يحكمها وهو جد ملك الأردن وكان آل الشيخ والأعراب قد سيطروا على معظم ارض السعودية وتربصوا بالمحمل وهو قادم من مصر وكان بيحرسه مجموعة عساكر مصريين فهاجموا المحمل وقتلوا عشرين عسكرى مصرى وتدخل االحاكم السعودى واعتذر للملك فؤاد وأوفد الملك فؤاد لهم محمد حسنين هيكل باشا "ليس هو الصحفى" وذهب هناك بالباخرة ومعه سيارة فوق الباخره للتنقل بها وركبها وقابل الملك السعودى وقد وصف هيكل باشا بان الناس هناك تجمهروا خائفين متعجبين من السياره التى تمشى بدون ان يجرها خيول وقالوا عنها شيطان والمهم طلبوا ان لاترسل مصر المحمل وهم يعملوه عندهم خوفا من مهاجمته وكانت الحركة الوهابية أصلا تبع الأنجليز يقودها واحد انجليزى اسمه همفر ويسمى نفسه عبد االله وكان الهدف محاربة الأمبراطورية العثمانية فى وقتها والوهابيه هم الذين فكوا قضبان سكه حديد الحجاز فقد كان هناك خط سكك حديد من القاهرة الى مكه والمينه كما يربط مكة الى سوريا الى تركيا ثم من تركيا مرورا بكل دول اوربا ونهايته فى اسبانيا وكان يسمونه فى اوربا ومازال قطار الشرق السريع هذا لخط دمرته الوهابية والآن أصبح الحج تجارة تربح منها السعودية بالآلاف من ناس باعوا ممتلكاتهم ليحجون فاصبح فى نظرهم عمل تجارى بالأضافة الى سوء المعاملة كما ذكرتى فهم ينظرون الينا كأننا لسنا مسلمين وهذه هى مبادى الوهابية اتهام الآخرين بالكفر وكان هذا مبدأه ليهاجم أمراء المدن للأستيلاء عليها وطبعا الأنجليز نقلوا بعد ذلك جد الملك حسين الى الأردن بدلا من الحجاز ليتركوا ارض الحجاز للشيخ |
| #3 28th August 2008, 06:17 PM | ||||
| ||||
| ياعنان .. لما يكون لينا كرامة في بلدنا يبقي ندور على كرامتنا برة بلدنا ... دة المنطق . __________________ يحق لك ان تلتزم الصمت,كل ما تقوله قد يستخدم ضدك في المحكمة,يحق لك التحدث مع محامي ويكون حاضرا معك عند الاستجواب,اذا لم تستطع توفير محامي ستعين لك المحكمة واحد علي نفقتها.وستحاكم ضمن محاكمة عادلة و ستسجن |
| #4 28th August 2008, 09:45 PM | ||||
| ||||
| إقتباس:
كان تعليق مني على واحدة مصرية بتقول للحرس لما إنتو بتيجو بلدنا بنعمل فيكو كده على سبيل الاستنكار يعني فقلتلها لا بيشوفونا وإحنا بيتعمل فينا كده بس بردو يا غلاباوي إنت كمصري زيك زي أي واحد طالع تحج أو تعتمر دافع تكاليف وعندك تأشيرة دخول يبقى ليه التحقير ده __________________ Will it ever cloy this odd diversity of misery and joy |
| #5 1st September 2008, 05:05 AM | ||||
| ||||
| بدون التطرق للناحية الدينية .. ممكن المصريين يوفروا الكام ميت ألف جنيه اللى بيدفعوها فى رحلات الحج و العمرة و يعملوا بيها عمل خير جوه مصر لأهل مصر و فى نفس الوقت أعتقد سمعت إن ممكن واحد يعمل عمرة نيابة عن شخص آخر يبقى المصريين المسلمين " أو المسيحيين  " اللى شغالين فى السعودية - و هما كتير -ممكن دول يعملوا العمرة نيابة عن المصريين .. و مادام دول شغالين جوه السعودية أعتقد التكاليف هتبقى لا تذكر و يبقى الكام ألف معتمر اللى بيطلعوا فى القرعة السنوية .. تكون قرعة أسماء بس و الأسماء دى تتبعت للمصريين العاملين فى السعودية عشان يعملوا العمرة بالنيابة شكلى بتكلم فى حاجة مش فاهم فيها .. بس مش عارف الكلام ينفع و لا لأ بس لو كان ينفع يبقى أحسن من البهدلة اللى كل سنة بنسمع عنها هناك و أعتقد ربنا مش يهمه أماكن الناس تزورها قد ما يهمه ناس فقرا تلاقى تاكل .. بدل ما نرمى فلوس على شوية عرب جرب مش ناقصين فلوس أساسا و يمكن لو الإمتناع عن العمرة بقى جماعى من المصريين .. ساعتها يحترموا نفسهم غير كده ما تستنوش حكومتكم تعمل لكم أى حاجة طبعا ما تستنوش الأزهر يطلع فتوى بحاجة زى كده أبدا مش عشان ضد الدين و لا عشان الحج لبيت الله الحرام مذكور فى القرآن مثلا لكن السبب الحقيقى معروف طبعا فيه حديث تقريبا للرسول بيقول " إستفتى قلبك " إقتباس:
|
| #6 1st September 2008, 12:02 PM | ||||
| ||||
| مينفعش - نفسياً - يا جريج حتى ولو كان فيه رخصة بكدا.. يعنى لو إنت عايز تزور مكان مقدس (وده مش فرض دينى عندنا اساسا) ينفع أروح مكانك وأفرجك على الصور مثلاً؟ بصوا هوه بشكل عام السعودية فى الموسم بيجيها المسلمين من كل بقاع الدنيا.. ده أكيد هاينعكس على تعب وإرهاق وقرف الموظفين من كثرة الوافدين.. وبالتالى معاملة سيئة.. أعتقد الحل الأمثل هوه الحج فى وقت تانى من السنة غير المواسم.. مفيش أى حاجة دينية بتشترط توقيت معين فى السنة.. المشكلة الفعلية إنى حسيت من كلام "عنان" إن ده مش كل الموضوع.. وإن فيه معاملة خاصة مع المصريين تحديداً.. حاجة زى التفتيشات الزيادة دى معناها مجهود أكبر وتضييع وقت اكبر منهم.. دى مش تصرفات حد مرهق وقرفان من كثرة الناس.. وده أمر حادث فعلاً لأسباب كتيرة تخلى المصرى يلاقى معاملة حقيرة.. أولاً فيه فئة كبيرة من المصريين فى السعودية مقاطيع خالص.. بيقبلوا العمل بأثمان زهيدة قياسا على غيرهم.. ده مرخص سوق العمالة المصرية وبالتالى مرخصهم كبنى آدمين.. حتى اللى طالعين فى بعثات (خصوصاً المعلمين) بيبصوا للأمر على إنه نعمة يتحسدوا عليها.. وبيحاولوا يمطمطوا ويمدوا فيها بقدر الإمكان.. حتى مع إستغلال "الكفيل" ومقاسمته الإيراد وإلا يزعل عليك.. برضه المصرى زى البقاية اللى ماسكة فى شعر الكلب الأجرب.. إزاى يعنى عايزينهم يحترموا واحد مضحى بحاجات كتير علشان الريالات؟ النقطة التانية والمهمة برضه هيه شارع الهرم قديماً وشارع جامعة الدول حديثاً.. فتيات الليل بقى - على عكس المصريين العاملين بالسعودية - مش بيحبوا يضيعوا وقت كبير وبينتقوا العرب لأن فلوسهم أكتر.. ده معناه سمعة مضروبة على البلد ككل.. ماهو بييجى يلاقى "مصريات" بتتهافت على "مصلحة عربى" ومفيش مانع تلاقى الوسيط والبواب المصريين بيسهلوا الحكاية دى علشان ينوبهم من جيب الزبون جانب.. هوه بيشوف إيه كدا غير بلد مليانة دعارة وقوادين علشان الريالات؟ النقطة التالتة ويمكن البعض يعتبرها أقل قيمة لكن ليها تأثير كبير جدا جدا اللى هيه فرق الثقافة.. المصريين أصحاب أقدم حضارة فى الكرة الأرضية كلها.. وده مش أمر قديم وإنتهى.. لسة بيطلع منهم علماء وفنانين وكتاب ومثقفين وحكام وكل الحاجات دى هما مفتقدينها.. حتى "الليبراليين السعوديين" بيعتبروا بيحبوا قياساً بالليبيراليين فى مصر.. مصر فى السينما والتلفزيون تعتبر "هليود الشرق" بلا منازع.. مصر فى السياسة هيه اللى طلعت عبد الناصر اللى علم العرب يعنى ايه "قومية عربية".. مصر لسة كل كام سنة يطلع منها عالم فذ ولا مثقف يثير جدل.. مصر حتى فى المجال السيودينى متفوقة على السعودية بمراحل وهيه اللى طلعت "حسن البنا" مؤسس حركة "الإخوان" فى كل العالم.. حتى فى الإرهاب الدينى متفوقة ومطلعة "أيمن الظواهرى".. من أرقى المجالات وأنضفها إلى أدناها وأوسخها مصر ولادة.. ومش بتبطل.. ومستمرة.. ومفلسة.. والأخيرة دى بقى تحتها مليون خط.. لأنها هيه اللى بتخلى كل ده يطاطى علشان لقمة عيش.. ومادام العيل طاطا وخد زر البطاطا.. يبقى لازم اللى زره الزر يبص له باحتقار.. __________________ نحن نثق فيمن لا نعرفهم لأنهم لم يخدعوننا من قبل.. |
| #7 1st September 2008, 10:28 PM | ||||
| ||||
| جريجوري بالنسبة للحج والعمرة بالإنابة دي هي وبعيداً عن البعد النفسي اللي إتكلم فيه ميراج متنفعش إلا لو كان اللي بتنوب عنه ميت وبعدين رحلات العمرة للإستشفاء النفسي هي يعني Spiritual Trip أكثر منها شعيرة دينية يعني أنا عن نفسي لما بروحها بروحها كنوع من الإستشفاء النفسي عشان أعصابنا ترتاح في مكان مقدس زي مانت قلت يا ميراج فعلاً أنا أقصد إن في discrimination للمصريين بالذات دون عن أي شعب يعني لو تشوفوا الرهبة اللي بيتعاملوا بيها مع الإيرانيين مثلاً حاجة تخلي الواحد دماغة تضرب وزي مانت قلت يا ميراج ودي وجهة نظر بردو سوء المعاملة للمصري لأنه فعلاً بيلهث ورا فتافيتهم ولقمة عيشة عندهم هناك أو اللي بيجوا يرموها هنا في الصيف ده غير موضوع الدعارة المستباحة في أرض مصر - ولو إن بردو يعني هم مجتمهعم في بلاوي بس كله عالساكت- ده كله بيخليهم يعاملوا المصري على إنه عربي دنيا مش من قيمتهم لكن يا ترى هل الكلام ده بردو يوصل لحد في الأماكن المقدسة يعني ماهو في البيع والشرا في سخافات كتيرة مع المصريين - وبردو يا أخي بيشتروا- يعني في موقف كده حصل معايا وأنا بشتري أكل من مطعم بقول للراجل عايزة كذا كذا فتبقولي هو إنتو ممكن تاكلوا هنا - طبعاً الموضوع محتاج المطعم تكون فيه صالة عوائل- فقلتلها آه فيها إيه يعني قالتي لا أصل عندنا عيب فبصراحة إتسحبت من لساني وقلتلها يعني مانتو لما بتيجوا مصر بتبقى مفيش حاجة عيب بتلبسوا براحتكم وتروحوا وتيجوا وتسهروا وفي أماكن إحنا بنتكسف نعدي من جمبها فقالتلي لأ ومش لأ قلتلها بقولك إيه سلام وخدت طلبي ومشيتز المشكلة بقى تكمن في ن هم ليه بيعاملونا كده يعني إستمراراً لسرد مثلنا بتاع الدعارة يعني هم بيجوا محترمين وهنا بيغروهم لو هم مالهومش كيف ولا هيتهزوا يعني بيعاقبونا على رغباتهم حتى لو عقليتهم بتسيبهم يعملوا كده المفروض لحد الشعيرة الدينية يقف. موضوع بقى جرح الكرامة من إبن بلدك يا جريجوري نفسي تقف تتفرج على المصريين وهم بيشرشحوا لبعض ساعة الوزن وساعة الجوازات لا والمصيبة بيشتموا مصر قدام الرعاة دول أنا مش هنكر أني كتير ببقى ساخطة على البلد بس أدعي على إبني وأكره اللي يقول آمين ومش معنى كده إني قابله الإهانة بردو بالعكس لا. __________________ Will it ever cloy this odd diversity of misery and joy |
| #8 3rd September 2008, 12:22 AM | ||||
| ||||
| إقتباس:
 هع هع هع هع أنت قديم أأأأأأأأأأأأأأأأأأأأأأأأأأأأأأأأأأأأأأأأأوى  فى إختراع عصرى تبعا للحياة العصرية التى نحياها أو بمعنى أدق إختراع نتاوى نسبة للإنترنت مش حاجة تانية ماتفهمونيش غلط قال ايه ياأسيادنا فى عالم الحياة التانية اللى على الشبكة العنكبوتية موضة الحج والصيام وأداء كافة الفروض الدينية على برنامج the Second Life ويقدر الحاج يحج كده فى الطراوة من غير لا زحمة بقى ولا البهدلة بتاعت المعتمرين أو الحجاج وخصوصا فى أوقات المواسم.  Doubleposting merged by ”Tifnout”, an Artificial Intelligent Robot to Prevent Flooding لكن فى نقطة مهمة جدا جدا ان عنان ذكرت سوء المعاملة وقت المواسم السياحية فى السعودية ألا وهى فريضة الحج أو العمرة. اسبب من الأسباب الرئيسية للمعاملة السيئة ان نسبة كبيرة من السادة الأفاضل اللى بيرحوا يعتمروا أو يحجوا مش بيكون الهدف الرئيسى الحج بل للتسول أو السرقة وماحدش يجى يتخانق أنا مش بقول كلام من فراغ دى أمثلة حقيقية وموجودة وناس أعرف أماكنهم محترفين النظام ده. بالتالى ده سبب من الأسباب اللى تخلى الأمن أو أيا كان صفة المسؤل ده انه يتعامل بإحتقار لأنهم بيكونوا ناس محترمين قوى ومظهرهم الخارجى شيك ومن جوه زبالة ومحترفين سرقة وتسول فى وقت المواسم،زى مابيحصل عندنا فى مصر وقت الموالد وليالى الذكر بيكون فى ناس نشالين ومتسولين وفى المساجد كمان ما أشهر سرقة الأحذية واسأل مجرب. ده مش معناه اننا شعب مش محترم أو حتى النشالين فيه أكتر م الهم ع القلب،لكن ده نتيجة للمستوى اللى وصل له فئة من فئات المجتمع المصرى،يعنى البهوات اللى كل شهر رايحين جايين على السعودية ورايح فين يا حاج رايح أحج جاى منين يا حاج كنت بحج. والله أعلم بقى بما فى النوايا لكن من ده كله كان ممكن ياخد ثواب عظيم لو وفر مال من أموال الحج وراح عمل مشروع لأهل بلده ،أو يعمل به فكرة تلم العيال اللى فى الشوارع. فعلا كان يفرق كتير،بس كفاية النهارده وأكمل بعدين. __________________ لا تقلق قد لايحدث أبداً ولكن إن حدث ........... يمكننا أن نستعيده . |
| #9 4th September 2008, 04:50 AM | ||||
| ||||
| إقتباس:
أما العمرة فهي اللي في أي وقت من السنة السبب الأساسي في عدم حصولنا على الاحترام من الدول الأخرى هو إننا شعب كثير الكلام قليل الإنتاج الأمية والبطالة والخوف وضعف الشخصية وضعف الإرادة ونقص الإمكانات المادية والمهارات وغياب الحرية الفكرية وعدم القدرة على تحمل المسئولية والكثير من الأمراض الاجتماعية الأخرى ضربت أبناء الشعب المصري في مقتل فلم يعد للمصري وزن |
| #10 4th September 2008, 07:08 AM | ||||
| ||||
| ولا تنسى أيضا يا زميل بدوى أن هناك حالة من الفجوة الطبقية بشكل غير متزن من أعلى القمة إلى أسفل القاع أى غياب الطبقة الوسطى أو بمعنى أصح انقراضها. وجميعنا كأفراد فى المجتمع المصرى نتحمل المسئولية عما حدث ويحدث،فليست الحكومة وحدها ولا الشعب وحده. ومع ذلك لايزال للمصريين وزن ودليل قوى هو أن البلاد التى يعمل بها المصرى يثبت أنه أجود عمالة . __________________ لا تقلق قد لايحدث أبداً ولكن إن حدث ........... يمكننا أن نستعيده . |
|
| كلمات مفتاحية |
| معاملة, المصرى, الخارج, السعودية |
| أدوات الحوار | |
|
|
 حوارات سابقة ذات صلة بموضوع: معاملة المصري في الخارج ( السعودية) | ||||
| الحوار | الكاتب | الساحة | تعليقات | آخر مداخلة |
| مصري ............ في الخارج | mezeid | قاعة الإستقبال | 6 | 9th April 2008 08:54 PM |
